Foto: Veluws Nieuws

De busse nao Waop'nvelde

Ie hoef gin groot profeet te wêên um te veurspell'n dat astur 't neudige politieke vuurwark op komst is as de gemeenteraod de begroting veur 2019 vaste mut stell'n. Hoe kump Heerde in de vreede in zon situaatsie terechte? heur ik veule mens'n vroag'n. Zo ma net veur de verkiezing'n een miljoen meer tekot te komm'n is onbegriepelik. Bie mien weet'n is dat op de informatiepaginaas ook nog niet uut eleg hoe dat noe kump. Ma 't mak wel dat de verschill'n tuss'n de gemeent'n flink groter wodt. Epe löt met trompetgeschal weet'n dat ze kinder gratis lid wilt mak'n van allerlie clubs. En in Heerde dreigt muziekless'n flink duurder te word'n. Hoe vertel ik het mijn kinderen? is de vroage waor de politiek in Heerde noe ok veur stiet. 't College hef an de road een stuk estuurt met allerlei veurstell'n. Van 't weer invoer'n van de hondebelasting tut bezuunig'n en verheug'n van de toerist'nbelasting tut 't niet meer betal'n van Tafeltje-Dek-je en de halvering van de kerstgratifikaatsie veur 't eigen personeel van de gemeente. 't Beroerde is dat Heerde zelf ma weinig meer kan verdien'n. De bouwgrond die ze nog hadd'n is zowat verkoch en nieuje plekk'n bent tur niet meer. Daorbie heb ze bliekbaar wel een ambtelijke organisaatsie die een hoop geld kos. Net een joor geleen is de ambtelijke organisaatsie op de kop ezet en noe kan dur al weer eschrap word'n in 't aantal managers. Astur wat weg goat, hoe ze niet perse vervang'n te word'n.

Een ondernemmer gaf mien less'ns ok zien visie. Als mien zaake dit oaverkwamp, kuj twee dinge doen. Ie mutt'n fors snien in oe club of naor schaalvergroting toe. Ma ja, de overheid is gin onderneming. Aai goat snien, kump de dienstverlening onder druk te ston en an schaalvergroting hoef ie op dit moment ok niet te denk'n. Epe zut oons an komm'n! En dus zal bezuunig'n wel weer die ienige meugelijkheid wêên. Met 't gevoar dat aai de sam'nleaving dood slaot umdat tur niks meer kan. An de andere kante muj ok bedenk'n dat aaw in Heerde de zaakies toch ok wel goed veur menare heb. De veurziening'n bent goed al kost dat natuurlik wel een hoop geld. 't Zal mien beniej'n wat 't college en de road nog uut de hoge hoed goat tover'n um 't te zurg'n dat 't hier goed won'n en leav'm blif. Ma dur zal nog heel wat water deur de Iessel strom'n veur dat Heerde weer zwemp in 't geld. Ik hoape dat aak die dag nog met maage mak'n!

Ma 't is ok niet allemoale kommer en kwel. Zoaterdag waak nog op de Nijensteen waor de Cittaslow Oogstdag eholl'n word'n. De hamburgers van Bakhuis vleis war'n weer prima en daor hadd'n ze nog wel appelties veur de dorst. Daornoa benk nog noa WZC ewes. Die hadd'n alle geluk van de weerld dat ze teeg'n die luu uut Ermelo nog een puntie pakk'n. Al hadd'n ze wel de pech dat een paar goeie speulers de kommende tied an de kante stoate. Ma veurlopig stoat ze wel bov'm an. En dat belof nog wat veur de derbies teeg'n SEH en VEVO die dur an stoat te komm'n. Aad Zegel en consort'n heb tur trouwe'ns weer een machtig mooi boekwerk oaver de club neer eleg. Aldergloep'ns, wat een mooie Presentatiegids. En met alle kommer en kwel in Heerde, hölt Aad de moed dur altied weer in. Van Aad is de uutspraak: 't mooiste van Heerde is de busse noa Waop'nvelde! En daor hol ik mien dan ma weer an vaste.

Hendik uut de Veldsiet

Joop de Haan
Meer berichten

Shopbox