Logo veluws-nieuws.nl


Foto: Veluws Nieuws
Columns

Henk Diekslag

Veurige wêêke hef Henk Diekslag ofscheid enomm'n as schriftbeheerder van de dialectwârkgroep Heerde/Woap'nvelde. En Hendik kan dur niet umme heer um daor melding van te maken. Aster iene ewés is die zich in ezet hef veur zien moerstaal 't Nedersaksich, dan is 't Henk wel. En dat niet alleent, Henk hef zich 't vuur uut de sloff'n elop'n veur de hele Heerder gemeenschap. As jonge van 18 joor rich'n hie al de Arbeiders Jeugd Centrale op. Toen nog gin mense 't woord kenn'n was Henk al bezig met burgerparticipatie. Noe isse negentig joor en heffe zich daor al 72 joor druk veur emak. En zoas Hendik uut de Veldsiet kwamp, zo kwamp Henk uut Hoorne. En aai uut zo'n hoek kwam'n, dan haj altied een achterstand op de rés en mosse oe extra inspann'n um dur wat van te mak'n. Teg'nwoordig nuump ze dat een achterstandsituaatsie. Ie preut'n plat en dan beheur'n en 't was een bettien een schande aai gin goed Algemeen Beschaafd Nederlands kon proat'n.

Ik ler'n Henk kenn'n toe asse in de gemeenteraod zat en ik daor veur de krante al stukkies aover mak'n. Dat war'n soms machtig mooie discussies. 't Was de tied van Michel de Groot veur de PvdA, Han Reil veur 't CDA, de olde Reurink later Henk van Loar veur de SGP, Jelle Boskma veur de VVD en natuurlik Hendik Jan van Duur'n veur de Boer'npetieje. 't Damp'n dur soms flink van dan in de raodszaal. Burgemeister Faber had wel is muuite um de boel in 't gareel te holl'n. Veural as 't um principiële zak'n gunk zoal de openstelling van 't Barghuuzer Bad op zundag. Ma altied wel met respect veur menare! En in praktische zaak'n as geld veur de minima konn'n ze menare altied vind'n. Toe de PvdA de grootste petieje word'n, slaag'n Henk dur zelfs in een college te vurm'n met de SGP/GPV, in die tied een politiek mirakel.

Ondertuss'n mak'n Henk zich gluunig druk veur 't dialect. Daor kwamp toe ok alle aandach veur, ok op de schoel'n. Henk Diekslag met zien Struukelblok, Dick van der Veen as Gait van de Renderklippen en Hendik uut de Veldsiet hadd'n niet alleent hun stukkies in de krant'n ma war'n ok nog wel is op de schoel'n veur een lessie Nedersaksich. En de gemeenteroad vergader'n in meert de Dialectmoand veur zover meugelik ok in 't dialect. Er kwam'n prachtige buukies uut as 't Heerder woordenboek en de gezegdes in 't Nedersaksich. En niet te vergêêt'n de stikker 'Hier maaj plat proat'n'. Aai zon stikker niet op de deure hadd'n, waaj pas ech asosjaal!

Henk hef noe zien leste baantie as schriftbeheerder neer eleg. 't Is de leeftied Hendik, zee hie teeg'n mien in zien stoel naos de kachel in de Wepedaorne met Gerrie an de andere kante van de kachel. Um uut lenge'n datte in 't dialect zien gevuul kwiet kan. En dat heffe in zie'n buukies als Prakezoasis wel bewez'n. Hoe Henk in 't leav'm stunt, heffe zelf beschreev'm in een gedichien 'Kommn en goan'

Ie komp alleent

en ie goast alleent

't Komm gif bliedschap

't Goan gif verdriet.

Mâr ;t belangriekste is,

wat hej dur van emâk

noadâj kwamm

ven veurdâj gung'n

Hoe Henk dat edon héf, kuj zelf invull'n. Ik hoape datte met dat goan nog een steugie wach...

Jan Nitrauw
Meer berichten

Shopbox