Foto:
Columns

Kipp'nhokk'n

De gemeente Heerde hèf is uut ezoch of iederiene wel volg'ns de regels woont in de gemeente Heerde. Woon ie niet stiekum in een kipp'nhok of zo. Of in een gebouwgien waor eig'nlik de auto mos ston ma dat noe veurzien is van gas, water en lich en, ok belangriek, dur stiet een bedde in. En permanent won'n in een vakantiehuus is helemoale uut de booze.

Er zol in een dattig, veertig gevall'n ewoont word'n op plekk'n waor dat niet mag zo hef de gemeente ontdek. Vaake ontston umdat tur in 't verleden nog wel is wat deur de vingers ezeen word'n. Tiepies geval van deur de vief geboden kiek'n. Noe weet ik dat Hendik zien wiege ok in zon illegale slaopkamer eston hef. Mien ome Gait won'n in de Zandgat'n en mien va en moe woll'n graag trouw'n zo net nao de oorlog. Huuze war'n dur niet te krieg'n, de woningnood was hooge. Mien ome wus een oplossing. ' t Hussie in de Zandgat'n had nog een dêêle die niet meer in gebruuk was um een paar geit'n en zo neer te zett\'n. Oome Gait was een handige keerl. En dus was de uutneudiging: Komp hier ma won'n. Zogezeg zo gedon. Dur word'n een paar muurtjies uut eslag'n, dur kwamp ruumte veur een slaopkamer, een keuken en een woonkamer. Elektrisch lich was zo an eleg, water koj wel buut'n uut de pompe hal'n. Dur word'n wat huusraod eregelt en mien va en moe hadd'n een nessien. En dus kon dur een dik joar lat'n een wiegie ezet word'n waor Hendik in kwamp te lingen.

Dat kwamp mien weer te binn'n toe as de wetholder uut leng'n dat ze wel moss'n optred'n teeg'n dat illegale won'n vanwege veiligheid en ok umdat de gemeente inkomst'n mis löp. En dat zal allemaole bès zo wêên. Ma ik dache wel: as dur toch genog huuze en zo bent, hoef mens'n toch niet illegaal te won'n? Aai een goed aanbod van woning'n heb, zal gin mense in een kipp'nhok gaon won'n. Noe hef de gemeente wel een hoop tied besteed an 't mak'n van een Woonagenda. Zie heb precies in beeld veur welke mens'n ze huuze wilt bouw'n. En de gemeenteraod hef duudelik emak dat astur voldoende huurwoning'n ebouwd mutt'n word'n. Triada schient dan ok al estop te wêên met de verkoop van huurwoning'n. De grote vraoge is noe: Waor mutt'n die dikke vierhonderd woning'n ebouwd word'n?

En dan wodt 't anstig stille. Ja, 't college hef toe ze begunn'n wel belaof dat ze zoll'n kiek'n nao in en uutbreidingslocaties. Ma dat zuuk'n noa plekk'n waor ech uut kunt breiden, is al weer van de bane. Zon belofte kuj makkelik doen, uutvoer'n is bliekbaar muujlijker. Dan ma liever dure tied gebruuk'n um te onderzuuk'n of tur mens'n op een boavmverdieping woont wat eig'nlijk niet mag. En aaj noe wet'n wat niet mag, dan muj handhav"n. Ma waor mutt'n die mens'n dan heer?

Ik zol wel is graag will'n zien dat oonze gemeenteraod wat meer lef teun'n en 't college gewoon een heldere opdrach gaf: gij zult zurg'n veur een aantal uutbreidingslocaties waor aai gemengd kunt bouw'n veur jong en old, veur huurders en eig'n woning'n en is ofstapp'n van dat geneuzel waor gin mense wat mee opschöt. En dat mut dan wel een bettien rap gebeur'n want anders hei kaans dat mens'n zelf hun problem\n op goat löss'n. Ik heb al is bie mien deur de schuure en garage eloop'n welke muurties dur weg mutt'n.......

Hendik uut de Velsiet

Jan Nitrauw
Meer berichten

Het lokale nieuws in uw mailbox ontvangen?

Aanmelden